احب اولا قبل ان ابدا فى كتابة ثالث موضوع لى ان اشكر جميع الاعضاء الذين قاموا بالتعليق على موضوعاتى ريم حنين ونور العيون وانتوا من اصدقاء قسم مملكة الحب ونفسى لما كريم يهل على المنتدى اقترح عليه انوا يعمل بارتيشن خاص بقسم مملكة الحب فيه اسماء اصدقاء هذا القسم وبس وايضا بقترح بانشاء شات خاص بالقسم لمن يريد ان يسرد مشكلة خاصة به فى سرية تامة
اما موضوع ليه الحب حرب عشان فى وقتنا الحالى ناس كتير ما بيتحبيش غير نفسها فبالطبع التفكير سيكون فى مصالح شخصية فاصبح الحب عملة نادرة فى هذا الوقت
فتعالوا نقول اللى بيحب ازاى بيحارب فى الوقت ده لو اديت ميثال بسيط
موظف مرتشى بيعتمد على الرشاوى لكى يقوم بتنفيذ اى مهمة للجمهور ومواطن راشى ومواطن غير راشى المواطن الراشى والموظف المرتشى لا بيحبوا دينهم لانهم بيعملوا حاجات منافية للدين ولا بيحبوا الوطن لانهم بينشؤا نوع من انواع الفساد الادارى والمواطن الراشى اخد فرصة غير فرصتوا فهو كده والموظف مش بيحبوا غير نفسهم واهم حاجه هى مصالحهم
تعالى بقى للمواطن الصالح اللى بيحب دينوا ووطنوا وبيحب الاخرين ومش بيرضى انوا ياخد حق حد وبيحب الاخرين ايه بقى اللى حصلوا
عندى اكتر من احتمال
فوت علينا بوكره
الورق بايظ
الختم مش واضح
الائحة لا تسمح
فوت علينا بوكره
ويوم ورا يوم يعدى
لغاية ماطلع عينوا
وفين وفين قضيت المصلحة بتاعتوا عشان الموظف يخلص من وشوا
وده مثل من الامثال
لو جينا نتكلم عن الحرب فى الحب بين الولد والبنت الحب الصادق اللى هدفوا جواز تعالوا نوضح الحرب اللى فيه عامله ازاى
الولد اول مابيفكر فى واحدة وتوافق عليه بيخش فى دوامة الشقة والعفش والشبكة .................. والخ
وفى الظروف الصعبة دى عقبال الواحد مابينوى يحقق الحاجات دى يكون الولد وصل للتلاتين والعروسة عنست
فيعنى بيحاول يخلص الدراسة بسرعة وبيحاول انوا يخلص الجيش بسرعة وانوا يحاول يشتغل بسرعة خلى بالك يشتغل بسرعة فى الوقت ده ويحوش عشان يعرف يخطب ويجيب شبكة وشقة وعفش ....................... والخ
طبعا الولد فى دوامة والبنت فى دوامة تانيه مع العائلة وفى عرسان جاهزة تاخد الشروة من بابها وطظ مليون مرة فى الولد الشقيان التعبان
وفى الاخر الكل هيغنى ظلموا الولد اتصدم البنت مممكن تعيش سعيده مع الفرد الاخر بس عمرها ماهتعيش سعيدة زى ما كانت هتعيش مع حبيبها
عيلتها باعتها
شفتوا ان الحب بقى حرب مع الدنيا ازاى
زمان الولد والبنت بيتجوزوا وهم عندهم 18 سنة واثبت ان ده علميا و صحيا ليهم وانوا بيحفظهم من الشهوات والنزوات بالرغم من الطريقة دى زمان كان فى بعض السلبيات بس سلبيات زمان ارحم من سلبيات دلوقتى بس فى النهاية العائلات زمان بيخافوا وبيحبوهم فبيجوزوهم دون اى شروط او تقيد وكان فى حب
انا عرضت مشكلة مش قصدى انى اعقد الدنيا انا طرحت مشكلة ومستنى حلولها من حضراتكم عشان نناقشها فى موضوع تالى
واتمنى ان الموضوع ده يعجبكم
موضوع: ليه الحب حرب 
الخميس 3 أبريل 2008 - 13:05
