ثبت علميا ان البنات احسن من الولاد

ثبت علميا بعد البحث والتدقيق ان البنت احسن من الولد للاسباب التالية:
1-البنت بتتكلم براحتها في التليفون وباباها هو اللي بيدفع في الاخر0
2-البنت مش ملزمة تجهز نفسها باباها او البية"خطيبها" هما اللي هايدفعوا دم قلبهم0
3-مفيش حد بيبص على بدلة العريس كله بيبص على فستان العروسة0
4-لو واحدة عملت مخالفة وعيطت شوية للظابط هايعديها انما لو راجل هياخد على دماغه0
5-لو واحدة مااديتش قرايبها عيدية مش هايقولوا عليها بخيلة هايقولو اصل العيب على جوزها0
6-لو واحدة اتاخرت على المحاضرة ممكن الدكاترة يدخلوها ولو ولد هايقوله روح يا بابا كمل نوم برة في الشمس0
7-لو حصل زعل بين البنت وباباها مش هايطردها برة البيت وهي بس يادوب تعيط شوية وباباها يروح يصالحها على طول000 اما الولد فايدوب يلحق مكان ينام فيه جنب البواب0
8-دلع البنات:
--ياختي قميلة (سنتين)0
--يا عسولة(5 سنوات)0
--يا عروسة(12 سنة)
--يا قمر (18 سنة)
--ياهانم (40 سنة )
--ياام العيال(50 سنة)
--يا ست الكل(60 سنة)
9-دلع الولاد:
--انت ياد( 10 سنوات)
--انت يا شحط بقيت طول الباب( 18 سنة)
--يا راجل( 40 سنة)
--يا عم الحاج(50 سنة )
--يا راجل ياعجوز مناخيرك اد الكوز(60 سنة )

يا عينى عليكو يا راجله اتظلمتوا ظلم ما بعده ظلم